قەرزەكانی عێراق لە ساڵی 2020دا گەیشتووەتە 68 ملیار دۆلار

بەپێی ئەو ئامارەی گۆڤارەكە بڵاویكردووەتەوە، قەرزە دەرەكییەكانی عێراق گەیشتووەتە 68 ملیار و 265 ملیۆن دۆلار لە ساڵی 2020دا، كە بەراورد بە ساڵی پێشتر بەرزبووەتەوە لەكاتێكدا لەو ساڵەدا قەرزەكان 46 ملیار و 885 ملیۆن دۆلار بووە.



ڕوونیشیكردەوە، قەرزەكانی عێراق لە ساڵی 2018دا 48 ملیار و 885 ملیۆن دۆلار بووە، لەكاتێكدا قەرزەكان لە ساڵی 2015دا 32 ملیار و 862 ملیۆن دۆلار بووە.



بەپێی ڕاپۆرتی گۆڤارەكە لەنێو وڵاتانی قەرزار لە ساڵی 2020دا ژاپۆن ڕیزبەندی یەكەمی گرتووە و بڕی قەرزەكەی گەیشتووەتە 266 ملیار و 176 ملیۆن دۆلار، بەدوایشیدا سۆدان و یۆنان دێت.



لەسەر ئاستی وڵاتانی عەرەبیش سۆدان لە ڕیزبەندی یەكەمدایە و بڕی قەرزەكەی لەمساڵدا گەیشتووەتە 259 ملیار و 385 ملیۆن دۆلار، بەدوایشیدا ئەریتریا دێت بە 185 ملیار و 890 ملیۆن دۆلار، سێیەم وڵاتیش لوبنانە بە 171 ملیار و 666 ملیۆن دۆلار، لە ڕیزبەندی چوارەمیشدا بەحرەین دێت بە 128 ملیار و 282 ملیۆن دۆلار.



گۆڤارەكە ئاماژەی بەوەشكردووە كە قەرزەكانی جیهان بەشێوەیەكی بەرچاو لە پاش بڵاوبوونەوەی پەتای ڤایرۆسی كۆرۆنای نوێ زیادیكردووە.