لیرەی توركی بۆ نزمترین ئاست دادەبەزێت و ھەر دۆلارێك بەرامبەرە بە زیاتر لە 8 لیرە.
بەگوێرەی هەواڵێکی ئاژانسی رۆیتەرز، لە دوایین مامەڵەكانی دراودا، ھەر دۆلارێكی ئەمەریكی بە 8 لیرە و 80 قوروش لە بازاڕەكاندا مامەڵەی پێوە كراوە، بەوەش نزمترین ئاست تۆمار دەكات لە مێژوویدا.
ھاوكات سەرەڕای ئەوەی پێشبینیدەكرا بانكی ناوەندی توركیا نرخی سوودی سەرەكی 175 خاڵ بەرزبكاتەوە و بیگەیەنێتە 12% كە ئەوەش ھاوكاتە لەگەڵ ئەدای لاوازی ئەو دراوە توركییە و بەرزبوونەوەی ھەڵاوسان، بەڵام ھەفتەی رابردوو بانكەكە نرخی سوودی بێ گۆڕانكاری ھێشتەوە .
ئەوەش لە كاتێكدایە ھەر لە سەرەتای ئەمساڵەوە لیرەی توركی 25%ـی بەھاكەی لەدەستدا بەرامبەر بە دۆلاری ئەمەریكی.
لە ئێستا 100 دۆلاری ئەمریکی بە 808 لیرەی تورکی مامۆڵەی پێوەدەکرێت.
Kurdish