بەهۆی كەڵەكەبوونی نەوتی كۆگاكراوی ئەمریكا، ئەمڕۆ بەهای نەوت لە جیهان تا ڕادەیەك دابەزیوە، نەوتی خاوی برێنت لەسەرووی 42 دۆلارەوەیە.
بەرمیلێك نەوتی خاوی برێنت بۆ ئەمڕۆ چوارشەممە 21ی تشرینی یەكەم و لەكاتی بڵاوكردنەوەی ئەم هەواڵە، بەرامبەرە بە 42 دۆلار و 82 سەنت، كە بەڕێژەی 0.5% دابەزینی بەخۆیەوە بینیووە.
هەروەها نەوتی خاوی ڕۆژئاوای تێكساس-ی ئەمریكی 20 سەنتێك دابەزینی بەخۆیەوە بینووە و یەك بەرمیلی بەرامبەرە بە 41 دۆلار و 43سەنت.
سەبارەت بە هۆكاری دابەزینی بەهای نەوت، چیۆكی چان، شارەزا و شیكەرەوەی ئابوری بە ڕۆیتەرزی ڕاگەیاندووە، زیادبوونی نەوتی كۆگاكراوی ئەمریكا و بەرزبوونەوەی حاڵەتەكانی توشبوون بە كۆرۆنا وای كردووە وەبەرهێنەرانی سێكتەری نەوت چاوێك بە بارودۆخەكەدا بخشێننەوە.
Kurdish