ئەمرۆ لەبازاڕەکانی جیهاندا نرخی نەوتی خاوی برێنت و تەکساسی ئەمریکا جوڵەیەکی کرد و هەریەکەیان بەهۆی تۆمارکردنی ژمارەی پێوانەیی کۆرۆنا و دورکەوتنەوەی ئەگەری ئاسایکردنەوەی دۆخی ئابوری چەند سەنتێک نرخەکانیان هاتەخوارەوە.
بەگوێرەی زانیارییەکانی ئاژانسی بلومبێرگ، نرخی نەوتی برێنت 0.23 دۆلار دابەزی کە لەسەدا 0.53-ی نرخەکەیەتی و بەوەش هەر بەرمیلێک بە 42.93 دۆلار مامەڵەی پێوەکرا.
هاوکات، هەر بەرمیلێک نەوتی تەکساسی ئەمریکا 0.08 دۆلار دابەزی کە لەسەدا 0.20-ی نرخەکەیەتی و بەوەش نەوتی تەکساس بە 40.38 فرۆشرا.
ئەمە لەکاتێکدایە، دوای توشبونی دۆناڵد ترەمپ سەرۆکی ویلایەتە یەکگرتوەکانی ئەمریکا و ئەگەری گۆڕانکاری چاوەڕواننەکراو، نرخی نەوتی برێنت بۆ 37.66 دابەزی.
هاوکات، بەهۆی زۆربونی ژمارەی توشبون و مردن بەکۆرۆنا لەماوەی رابردودا، سەرەڕای کەمکردنەوەی بڕی هەناردەکردنی نەوت لەلایەن ئۆپێک، نرخی نەوت بەکەمی ماوەتەوە و تائێستا ئاسۆیەک بۆ بەرزبونەوەی نیە.
Kurdish