لەپاش كۆتایهاتنی وەزری وەرگرتنی بەرهەمی گەنم، حكومەتی عیراق رێگە بە گواستنەوەی ئەو بەرهەمە لەنێوان پارێزگاكاندا دەدات.
لەو بارەیەشەوە، حەمید نایف وتەبێژی وەزارەتی كشتوكاڵی عیراق رایگەیاند: بە لەبەرچاوگرتنی كۆتایهاتنی وەرزی وەرگرتنی بەرهەمی گەنم لە جوتیاران، بریارماندا رێگە بدرێت بە هاتوچۆپێكردن و گواستنەوەی بەرهەمەكانی گەنم و جۆ لەنێوان پارێزگاكانی عیراقدا و ئەو كارەشیان لەپێناو پاراستنی بەرژەوەندی ئابوری جوتیاران و پاڵپشتیكردنی پرۆژە كشتوكاڵیەكانی كەرتی تایبەتدا داوە.
وتیشی: بەم بڕیارەیان سوودێكی زۆر بە خاوەن كێڵگەو پرۆژەكانی بەخێوكردنی ئاژەڵ و پەلەوەر دەگەیەنن و بەرهەمی دانەوێڵەو عەلەفیش بەپێی پێویست و هاوسەنگ لە تەواوی پارێزگاكاندا دابین دەكرێت.
ئاشكراشیكرد: كە گەنم و جۆ یەكێكن لە بەرهەمە ستراتیژیەكان و دەیانەوێت ئەو پارێزگایانەی زیادە بەرهەمیان لە گەنم هەیە هەناردەی ئەو پارێزگایانەی بكەن، كە ئەمساڵ برێكی كەمترین لەوبەرهەمە هەیەو سەرجەم گومرگەكانیش راسپێردراون ئاسانكاری بۆ گواستنەوەی ئەو بەرهەمە لەنێوان پارێزگاكاندا بكەن.
Kurdish