قه‌یرانی بێكاری به‌رۆكی زۆربه‌ی وڵاتانی ئه‌وروپای گرتووه ، به‌جۆرێك رێژه‌ی بێكاری له یۆنان به‌شێوه‌یه‌كی به‌رچاو به‌رزبۆته‌وه ، له‌مباره‌یه‌وه ئاژانسه‌كانی هه‌واڵ بڵاویانكردۆته‌وه كه‌وا رێژه‌ی بێكاری له یۆنان بۆ زیاتر له سه‌دا بیست و حه‌فت به‌رزبۆته‌وه ، ده‌زگا و دامه‌زراوه فه‌رمیه‌كانی یۆنان ئه‌وه‌یان راگه‌یاندووه كه له ماوه‌ی ساڵی رابردوو رێژه‌ی بێكاری سه‌دا پێنج به‌رزبۆته‌وه و گه‌یشتۆته سه‌دا بیست و حه‌فت و پۆینت چوار ، ئاماژه به‌وه‌شدراوه به‌رزترین رێژه‌ی بێكاری له نێوان چینی گه‌نجان و ئافره‌تان دایه كه سه‌دا شه‌ستی گه‌نجانی ته‌مه‌ن پازده تاوه‌كو بیست و چوار ساڵی بێكارن و به‌دوای كاردا ده‌گه‌رێن .
رێژه‌ی بێكاری لە یۆناندا بۆ 27.4% بەرزبۆتەوە
Kurdish