بەمەبەستی ناساندنی کەرتی ئابوری و پیشەسازی و بازرگانی لە هەرێمی کوردستاندا کۆمپانیایەکی ئەمریكی کتێبێک لەسەر ڕەوشی بەرەو پێشچونی ئابوری بەرهەم دەهێنێت.
لەسەردانێکیاندا بۆ ژوری بازرگانی و پیشەسازی سلێمانی کۆمپانیای (ئینڤێست ئین گروپ) لەگەڵ سیروان محەمەد سەرۆکی ژوری بازرگانی و پیشەسازی سلێمانی کۆبونەوە و لە کۆبونەوەکەدا چاو پێکەوتن لەگەڵ سەرۆکی ژوری بازرگانی و پیشەسازی سلێمانی کرا لەبارەی ڕەوشی بەرەو پێشچونی بازرگانی و پیشەسازی لە شاری سلێمانیدا
مارگریت کۆتەر بەڕێوەبەری کۆمپانیای ئینڤێست ئین گروپ ئاماژەی بەوەدا ماوەی چوار ساڵە لە کوردستاندا کاردەکەن وە ئەمە دووەم کتێبیانە بڵاوی دەکەنەوە و لەکۆتای مانگی 10 ی ئەمساڵدا ئەو کتێبە بڵاو دەکەنەوە کەتایبەتە بە ناساندن و بەرەو پێشچونی ڕەوشی بازرگانی و ئابوری.
لای خۆشیەوە سیروان محەمەد سەرۆکی ژوری بازرگانی و پیشەسازی سلێمانی ڕایگەیاند کە ئەوان وەك ژوری بازرگانی و پیشەسازی سلێمانی بەهەموو شێوەیەک کاردەکەن بۆ پێشخستنی کەرتی پیشەسازی و بازرگانی و هاوکاری خۆشی ڕاگەیاند بۆئەوەی لە ڕێگەی ئەو کتێبەوە هانی کۆمپانیا بیانیەکان بدرێن كە بۆ كار كردن بێنە هەرێمی کوردستان .
Kurdish