عێراق ماوەی هەڵپەساردنی گەشتە ئاسمانییەكانی درێژكردەوە

بەڕێوەبەری گشتیی دەسەڵاتی فڕۆكەوانیی عێراق، دورەید یەحیا جاسم لە ڕاگەیەندراوێكدا ئاشكرای كردووە، پشت بەستن بە بڕیار و ڕاسپاردەكانی لیژنەی باڵای تەندورستیی و سەلامەتی نیشتمانیی تایبەت بە بەرەنگاربوونەوەی ڤایرۆسی كۆرۆنای نوێ (COVID-19)، ماوەی هەڵپەساردنی گەشتە ئاسمانییەكان تا یەكی مانگی تەمموز، درێژكراوەتەوە.



بەپێی ڕاگەیەندراوەكە، بڕیارەكە گەشتە ئاسمانییە نائاساییەكان بۆ گەڕاندنەوەی ئەو عێراقییانەی كە لە دەرەوە گیریان خواردووە، یارمەتییەكانی تەندروستیی، فریاگوزاری و كارگۆ ناگرێتەوە.



دوێنێ‌ شەممە بەڕێوەبەری ڕایگەیاندنی دەسەڵاتی فڕۆكەوانی مەدەنیی، جیهان دیوان ڕایگەیاندبوو كە دەستپێكردنەوەی گەشتە ئاسمانییەكان لە فڕۆكەخانەكانی عێراق، پەیوەستە بە بڕیار و ڕێنماییەكانی شانەی قەیرانەكان و لیژنەی باڵای تەندروستیی و سەڵامەتی نیشتمانییەوە.



بەپێی دوایین ئامارەكان تا ئێستا، 29 هەزار و 222 كەس لە عێراق تووشی ڤایرۆسی كۆرۆنا بوون و لەو ژمارەیەیش هەزار و 13کەس گیانیانلەدەستداوە و 13 هەزار و 212 کەسیش چاكبوونەتەوە.