لەكۆبونەوەیەكدا ژمارەیەك لەخاوەن كۆمپانیاكانی هاوردەكردنی ئۆتۆمبێل سەرۆكی ژوری بازرگانی و پیشەسازی سلێمانی و ژمارەیەك لە ئەندامانی ژوری چەند پێشنیارێكیان لەبارەی شێوازی هێنانی ئۆتۆمبێل باسكرد.
یەكێتی ژورەكانی بازرگانیەكانی و پیشەسازی هەرێمی كوردستان چەند پێشنیارێك لەبارەی هاوردەكردنی ئۆتۆمبێلەوە ئاراستەی حكومەت دەكەن و پێشنیارەكانیش لەگەڵ خاوەن كۆمپانیا هاوردنەكانی ئۆتۆمبێل تاوتوێ دەكرێت.
لە پێشنیارەكەدا ئاماژە بەوەكراوە پێویستە كۆنترۆڵكردنی جۆری هەوڵبدات بۆ جێگیركردنی مواسەفاتی كوردستان و مواسەفاتی ووڵاتانی كەنداوبن لەبەر هەمان جۆری كەشوهەوا وە گرنگی زیاتر بە كۆمپانیا خۆماڵیەكان بدرێت لەبەرئەوەی ئێستا هەندێك كۆمپانیای بیانی لەبازاڕی كوردستان كاریگەری خراپیان هەیە بەرسەر كۆمپانیا خۆماڵیەكان بۆیە پێویستە چاو بەمەرجی پێدانی مۆڵەت بەكۆمپانیا بیانییەكاندا بخشێندرێتەوە و ڕێگە بەكۆمپانیا خۆماڵیەكانیش بدرێت بەهەمان شێوەی بریكارەكان هاوردەی ئۆتۆمبێل بكەن و ڕێگە بە هاوڵاتیانی ناوەڕاست و باشوری عێراق بدرێت لەشارەكانی كوردستان ئۆتۆمبێل بەناوی خۆیان تۆماربكەن چونكە فاكتەرێكی گرنگە بۆكاراكردنی كاری بازرگانی كەسود بەبواری جیایجا دەگەیەنێت و ڕێگەبدرێت ئۆتۆمبێلە كۆنەكان هەناردەی دەرەوە بكرێن دەكرێت بۆ ئەو مەبەستە بەرنامەیەك لەلایەن هاتوچۆی هەرێم دابندرێت و بازاڕی ئازاد دابندرێت بۆ دوبارە هەناردەكردنەوەی ئۆتۆمبێلی نوێ بۆدەرەوە وەك وڵاتانی ئیمارات كەلەم بوارەدا ئاسانكاری زۆر بۆ بازرگانان دەكات و بڕیكارەكانی ئۆتۆمبێل ڕەگەزنامەی عێراقی بێت ئەوەش دەبێتە پشگیری كەرتی تایبەتی خۆماڵی جیاوازتر لەوەی كەئێستا هەیە و بۆتە هۆی ئەوەی كە چەند لایەنێكی بیانی سودمەندبن و سەرمایەیەكی زۆری كوردستانیش بچێتە دەرەوە و پێویستە بڕی پارەی گومرگ بەپێی كوالێتی ئۆتۆمبێلەكانبێت و نرخی تابلۆلە بەڕێوەبەرایەتیەكانی هاتوچۆی هەرێم ئێستا 1000 دۆلارە ئەمەش بۆتە هۆكارێكی باش كە داواكاری لەسەر ئۆتۆمبێلی ژمارە كوردستانی زۆربێت لەسەر ئاستی عێراق لەبەرئەوەی لەناوەڕاستی خواروو بەهاكەی زۆرلەوە زیاترە بۆیە داوا دەكرێت كە ئەم بڕەپارەیە زیاد نەكرێت و لەدەروازەكانی سنوورئاسانكاری بۆ بازرگانان بكرێت بەتایبەتی لەلایەنی گومرگەوە كە هەندێك جار زیانی گەورە بە بازرگانان دەگەیەنێت و ڕێژەی هاوردەكردنی ئۆتۆمبێل بۆ هەركۆمپانیایەك یان بریكارێك سنوردار بكرێت و بۆكەم كردنەوەی قەڕەباڵغی هۆكاری گواستنەوەی گشتی كارابكرێت پەلە بكرێت لە دروستكردنی هێڵی میترۆ وە لە كۆتای خاڵەكاندا داوا دەكرێت لە دروستكردنی بیناو هۆتێلەكاندا دروستكردنی گەراج و شوێنی تایبەت بەڕاگرتنی ئۆتۆمبێل مەرج بێت بۆ دروستكردنیان.
Kurdish