ئەنجومەنی وەزیرانی عیراق نرخی كڕینەوەی گەنمەشامی لە جوتیاران بەڕێژەی لەسەدا 10 زیاد دەكات‌و بەپێی ئەو بڕیارەش لەمساڵدا نرخی یەك تۆن گەنمەشامی بە 440 هەزار دینار لە جوتیاران وەردەگیرێت.
لە لێدوانێكی رۆژنامەنوسیدا ڕەزاق تائی بەڕێوەبەری كشتوكاڵی كەربەلا ئاشكرایكرد: ئەنجومەنی وەزیرانی عیراق بڕیاریداوە بۆ هاندانی جوتیاران، نرخی وەرگرتنی گەنمەشامی بەڕێژەی لەسەدا 10زیاد بكات، بەوپێیەش نرخی یەك تۆن گەنمەشامی لە 400 هەزار دینارەوە بۆ 440 هەزار دینار زیاد دەكات.
وتیشی: ئەم بڕیارەی ئەنجومەنی وەزیرانی عیراق دەبێتە هۆی هاندانی جوتیاران بۆ زیادكردنی ئاستی بەرهەمهێنانی گەنمەشامی.
دەركردنی ئەو بڕیارەش لەكاتێكدایە كە پێشتر حكومەتی عیراق بڕیاریدابوو كە نرخی گەنم‌و جۆ‌و چەڵتوك بەڕێژەی لەسەدا 10 زیادبكات.
Kurdish