بە بڕیاری وەزارەتی ناوخۆی هەرێم و لەسەر پێشنیاری وەزارەتی تەندروستی بۆ رێگرتن لە بڵاوبوونەوەی ڤایرۆسی کۆرۆنا، هاتوچۆی هاوڵاتیان لە دەروازە سنورییەکانی هەرێمی کوردستان لەگەڵ ئێران راگیرا.
دەروازەی سنوریی نێودەوڵەتی پەروێزخان رایگەیاند، لە کاتژمێر ٠٠:٠٠ی ٢١ی شوباتەوە، هاتوچۆی گەستیاران لە هەرێمەوە بۆ ئێران و بە پێچەوانەشەوە راگیرا.
لە راگەیەندراوەکەدا ئاماژە بەوەش کراوە، ئەو هاوڵاتییانەی هەرێم و عێراق دەیانەوێت بگەڕێنەوەم لەلایەن بنکەی تەندروستی پەروێزخانەوە پشکنینی پزیشکییان بۆ دەکرێت و بە نووسراوی فەرمی پزیشکیی بنکەی نشینگەی پەروێزخان کە جێگریی دۆخی تەندروستییان ئاگاداردەکرێتەوە و ئەو کاتە رێگەیان پێدەدرێت بگەڕێنەوە هەرێم و عێراق.
تا ئێستا بۆ ئاڵوگۆڕی بازرگانی لەنێوان هەرێم و ئێران هیچ بڕیار دەرنەکراوە.
بەپێی راگەیەندراوەکە، رێگە بە ئەو هاوڵاتییانەش نادرێت کە دەیانەوێت بۆ خوێندن و چارەسەری پزیشکی و هیچ کارێکی دیکە سەردانی ئێران بکەن.
Kurdish