وەزارەتی بازرگانی رێنمایی بۆ کۆگاکانی خۆراک دەرکرد

وەزارەتی بازرگانی و پیشەسازیی هه‌رێمى كوردستان رێنمایی نوێی بۆ کۆگاکانی خۆراک دەرکرد و 28 خاڵی وەک بڕیار بۆ داناون.

بەپێی نووسراوێکی وەزارەتی بازرگانی و پیشەسازیی کە رۆژی پێنجشەممە 29/1/2020 دەرچووە، ده‌بێت کۆگاکانی خۆراک بە تابلۆ ناوی کۆمپانیا و خاوەن و جۆری ئەو کاڵایانەی تیایدا هەڵگیراوە هەڵبواسرێت و رێگە بەهیچ خۆراکێکی ماوە بەسەرچوو نادرێت لە کۆگاکان هەڵبگیرێن بە پێچەوانەوە دووچاری سزای یاسایی دەبنەوە.

هەر بەپێی رێنماییه‌كه‌ى وەزارەتی بازرگانی، دەبێت کۆگاکان مەرجی تەندروستییان هه‌بێت و ساردکەرەوە و هەواگۆڕکێیان تیادا بێت بۆ کۆنترۆڵکردنی کەشی خۆراکەکان. هه‌روه‌ها چەندین خاڵی دیکەش لە رێنماییه‌كه‌ى وەزارەتدان كه‌ لە رۆژى دەرچوونیه‌وه‌ کاری پێدەکرێت.