یەدەگی زێڕی توركیا و روسیا زیادیان كردووە

سندوقی نێودەوڵەتی دراو ئاشكرایكرد هەریەكە لە ڕوسیا و توركیا یەدەگی زێڕی وڵاتەكەیان زیادكردووە

لەو بارەیەشەوە سندوقەكە بەیاننامەیەكی بڵاوكردۆتەوە تیادا هاتووە مانگی ڕابردوو ڕوسیا یەدەگی زێڕی وڵاتەكەی بە بڕی 4 تەن و 700 كیلۆ زیادكردووە بەمەش یەدەگی زێڕی ڕوسیا بۆ 981 تەن و 650 كیلۆ زیادكردووە توركیاش بە هەمان شێوە مانگی ڕابردوو یەدەگی زێڕی 33 تەن زیادكردووە گەیشتۆتە 408 تەن و 870 كیلۆ هاوكات سندوقی نێودەوڵەتی دراو ئەوەشی ئاشكراكرووە هەریەك لە وڵاتانی كازاخستان و ئازرباینجان وكۆریای باشور و یۆنان قرغیزیا و مەنگۆلیا بەهەمان شێوەی توركیا و ڕوسیا یەدەگی زێڕی وڵاتەكەیان زیادكردووە ئەمەش لە كاتێكدایە هەفتەی ڕابردوو نرخی زێڕ بەراورد بە 30 ساڵی ڕابردوو بۆ نزمترین ئاست دابەزی بەڵام ئەمڕۆ لە بازاڕەكانی ئاسیا بەڕێژەی لەسەدا 1 و لە بازاڕەكانی ئەمریكاشدا بەڕێژەی لەسەدا 1پۆینت 5 بەرزبۆتەوە.