نادر رۆستی، وتەبێژی دەستەی گەشتوگوزاری هەرێمی كوردستان ئاشكرایكرد، بۆ سەری ساڵی 2020، 167 هەزار گەشتیار هاتونەتە هەرێمی كوردستان.
رۆستی، ئەمڕۆ شەممە، لەبەیاننامەیەكدا ئاشكرایكرد، لە ٢٧ی١٢ تاکو ١ی ١ ی ٢٠٢٠، ١٦٧ هەزار گەشتیار بۆ ئاهەنگەکانی سەری ساڵ هاتونەتە هەرێمی کوردستان.
هێمای بۆ ئەوەش كردوە كە بەشی زۆری گەشتیاران لە خوارو ناوەڕاستی عێراق بوە، کە ڕێژەکەیان زیاتر لە ٧٨% بو.
ئەوەشی خستۆتەڕو، ژمارەی گەشتیاران زیادی کردوەو ١٧ هەزار گەشتیار لە سەری ساڵی پار زیاتر بوە.
بەپێی قسەی رۆستی، گەشتیارانی ناو شارەکانی هەرێم ئەژمار نەکراون، بەڵکو تەنیا ئەوانەی لە دەروازە و بازگەکان و فڕۆکەخانەکان هاتونەتە هەرێم ئەژمار کراون.
Kurdish