بەڕێزان ئەندامانی ئەنجومەنی گشتی سەركردایەتی‌و كادێرانی یەكێتی نیشتمانی كوردستان، پیرۆزبایی‌و خۆشحاڵی خۆمان بۆ ئێوەی هەڤاڵانی تێكۆشەر بەبۆنەی سەركەوتنی چوارهەمین كۆنگرەكەتانەوە دەردەبڕین.
بەو هیوایەی سەركەوتنی كۆنگرەكەتان دەستپێكی قۆناغێكی نوێ بێت بۆ پتەو كردنی گیانی تەبایی لەهەرێمی كوردستان‌و دەستەبەركردنی ماف‌و داخوازییەكانی كۆمەلانی خەڵكی كوردستان‌و عێراق لەچەسپاندنی بنەماكانی دیموكراسی‌و ئازادی‌و مافی مرۆڤ‌و ئاوەدانی‌و خۆشگوزەرانی.
ژووری بازرگانی‌و پیشەسازی سلێمانی هیوای ئەوە دەخوازێت كە یەكێتی نیشتمانی كوردستان لەقۆناغی داهاتودا لەسەر رێبازە راستەقینەكەی كە خزمەتكردنی جەماوەرە بەردەوام بێت‌و هەوڵی بوژانەوە‌و پێشخستنی ئابوری كوردستان‌و شارەكەمان بدات.
ژووری بازرگانی‌و پیشەسازی سلێمانی
26 / 12 / 2019
Kurdish