عیراق ئامادەكاری دەكات بۆ ئەوەی لە ساڵی داهاتووەو بەرهەمی گۆشتی مریشك و هێلكە هەناردەی دەرەوە بكات.
لەوبارەیەشەوە فازڵ فەتلاوی ئەندامی لیژنەی كارو كاروباری كۆمەڵایەتی لە پەرلەمانی عیراق رایگەیاند: كە وەزارەتی كشتوكاڵ لە سەرەتای ساڵی نوێوە دەست دەكات بە هەناردەكردنی بەرهەمی كێڵگەكانی بەخێوكردنی پەلەوەر لە بەرهەمی هێلكەو گۆشتی مریشك و ئاماژەی بەوەشكردووە/ كە ئێستا بەرهەمی كێڵگە پەلەوەریەكان دەتوانێت بەشی پێداویستی ناوخۆی وڵات بە زیادەوە دابین بكات.
وتیشی: بریاری قەدەغەی هاوردەكردنی بەرهەمی هێلكەو كێڵگە پەلەوەریەكان بریارێكی زۆر دروست و باشبووە بۆ پاڵپشتیكردن لەبەرهەمی ناوخۆیی و لە پاش بریارەكەشەوە هیچ گرفتێكی ئەوتۆ رووینەداوەو نرخەكانیش لەتوانای بژێوی و كڕینی هاوڵاتیانی ئاسایدان.
Kurdish