ئەمرۆ دوای زیاتر لە 10 رۆژ ئوم قەسر دەستی بەكارەكانی كردەوە و كەشتییەكان بارھەڵگرەكانیش بارەكانیان داگرت.
بەرپرسێكی بەندەری ئوم قەسر ئه‌مرۆ شەممە٩ی تشرینی دووهەم، بە رۆیتەرزی راگەیاند، كارەكانی بەندەری ئوم قەسر دەستی پێکردەوە و ئەمرۆ كەلوپەلە سەرەتاییەكان لەو بەندەرە داگیراون. ھەروەھا ھەموو شۆستەكانی بەندەرەكە پێشوازی لە كەشتییە بارەلگرەكان دەكەن.
بەرپرسەکە ئاماژەی بەوەشكردووە، ئەو كەشتیانەی تایبەتن بە كەرستە سەرەكییەكانی وەكو دانەوێڵە و روۆن و شەكر و بەرھەمەكانی دیكەی خۆراك ، كارەكانیان رایی كرا و بارەكانیان داگیران.
ئەمە لەكاتێكدا لەماوەی 10 رۆژی رابردوودا رێگەی بەندەری ئوم قەسری بەسڕە، لەلایەن خۆپیشاندەرانەوە گیرابوو ، بەو ھۆیەوە كارەكانی بەندەرەكە وەستابوو ھاتووچۆش پەكی كەوتبوو.
Kurdish