ئەمڕۆ لە بازاڕەكانی دراو گۆڕینەوە نرخی 100 دۆلاری ئەمەریكی گەیشتە 123 هەزار دینار، ئەوەیش بەرزبوونەوەیەكی خێرابوو لەگەڵ نرخەكانی دوێنێ و رۆژانی رابردوو كه دواتر دابه‌زی و له‌ئێستادا نرخی دۆلار بە ١٢٢ هەزار و ٤٠٠ دیناره.
ئاوێنه: ئەمەش لە کاتێکدایە، بەیانی ئەمڕۆ لە کاتی کردنەوەی بازاڕدا ١٠٠ دۆلاری ئەمریکی بە ١٢١ هەزار و ٢٥٠ دیناربوو.
به‌پێی زانیارییه‌كان، هۆكاری به‌رزبونه‌وه‌ی نرخی دۆلار ده‌گه‌رێته‌وه بۆ ڕه‌وشی ئه‌منی عێراق كه بانكی ناوه‌ندی چه‌ند رۆژێكه به‌هۆی خۆپیشاندانه‌كانه‌وه كه‌متر دۆلار ده‌خاته بازاره‌وه و كه‌متر دۆلار ده‌فرۆشێت به كۆمپانیاكانی ئاڵوگۆڕی دراو.
هۆكارێكی تریش بریتییە لە ناسەقامگیری دۆخی عێراق و ئەوەیش وای كردووە خواست لەسەر دۆلار زیاتر بێت و بازرگانان و سیاسییەكان دۆلاری زیاتر بكڕن و لە بازاڕەكانیش یاری بە نرخەكان بكرێت.
شایه‌نی باسه، له‌گه‌ڵ تێكچونی دۆخی سیاسی و ئه‌منی له وڵاتان بچوكترین لێدوان كاریگه‌ری له‌سه‌ر نرخی دۆلار و دابه‌زینی به‌های دراوی نیشتمانی ئه‌و وڵاته ده‌بێت.
ئەمڕۆ سێشەممە، (٥ی تشرینی دووەمی ٢٠١٩) نرخی دراوەکان لە بازاڕدا بەم شێوەیەیە:
١٠٠ دۆلار ١٢٢ هەزار و ٤٠٠ دیناره
١٠٠ پاوەن بە ١٥٥ ھەزار و ٧٥٠ دینارە
١٠٠ ھەزار تمەن ١٠ ھەزار ٦٠٠دینارە
١٠٠ یۆرۆ بە ١٣٤ ھەزار و ٥٠٠ دینارە
١٠٠ لیرەی تورکی ٢١ هەزار و ٢٥٠ دینارە
Kurdish