ئەو پێشكەوتنەی كە لە رێككەوتنە بازرگانییەكانی نێوان ئەمریكا و چیندا روویداوە، دەستبەجێ بەھای دۆلاری ئەمریكای بەرزكردەوە.
بەگوێرەی نوسینگەی نوێنەری بازرگانیی ئەمریكا ، دوای ئەوەی بەرپرسانی بازرگانی ئەمریكا و چین توانیان وەك قۆناخی یەكەم بگەنە رێككەوتنێكی بازرگانی، لە دوایین مامەڵەكانی دراودا بەھای دۆلار بەرزبوونەوەی تۆماركرد کە بەجۆرێك پێنوینی دۆلار بەرێژەی سەدا ٠.٢بەرزبووەوە و گەیشتە ٩٨،٨٢٦ دۆلار، ھاوكات بەرانبەر بە یۆرۆ بەرێژەی سەدا ٠،٢١ ، بەرانبەر بە پاوەند سەدا ٠،١٩بەرز بۆوە.
ئاژانسی رۆیتەرز رایگەیاندووە ، سەرجەم ئەو ناجێگیرییەی كە لەماوەی ئەمساڵدا لە بەھای دراوەكاندا تۆماركراون، بەھۆی ناكۆكییەکانی بازرگانییەكانیی جیھانەوە بووە، بۆیە ھەر جووڵەیەكی بازرگانی دەستبەجێ كاریگەریی ئەرێنی یان نەرێنیی لە خۆیەوە جێ دەھێڵێتە سەر بەھای دراوەكان .
Kurdish