بافڵ تاڵه‌بانی له ده‌باشان چاویكه‌وت به ( نی روچی ) كونسوڵی گشتی كۆماری چینی میللی له‌ھه‌رێمی كوردستان .
له دیدارێكدا له‌سه‌ر پته‌وكردنی په‌یوه‌ندییه‌كان و ھاوكاری نێوان ھه‌ردوولا گفتوگۆكراو ته‌ئكید له ھه‌ماھه‌نگی و كاری ھاوبه‌ش كرایه‌وه به‌جۆرێك خزمه‌تی زیاتر به ھه‌رێمی كوردستان بگه‌یه‌نێت به تایبه‌ت له رووی ئابوری و كشتوكاڵییه‌وه.
لای خۆیه‌وه بافڵ تاڵه‌بانی رونكردنه‌وه‌ی دایه وه‌فدی میوان له‌سه‌ر ره‌خساندنی ده‌رفه‌تی وه‌به‌رھێنان و به‌شداریكردنی كارای كۆمپانیاكانی كۆماری میللی چین له ئاوه‌دانكردنه‌وه‌ی زیاتری ھه‌رێم و ھاوكاریكردنی زیاتری كه‌رتی تایبه‌ت له سنووری ئیداره‌ی سلێمانی له‌وڕووه‌شه‌وه چه‌ند پێشنیارێكی خسته‌ڕوو بۆ باشتركردنی ئاڵوگۆڕی بازرگانی و پته‌وكردنی په‌یوه‌ندی له‌نێوان سه‌رمایه‌دارانی ھه‌ردوولا.
له كۆتایشدا له‌باره‌ی په‌یوه‌ندییه‌كانی نێوان ھه‌رێم و عیراق بیروبۆچوون ئاڵوگۆڕكراو جه‌خت له‌چاره‌سه‌ركردنی كێشه‌كان كرایه‌وه له رێگای گفتوگۆو زمانی لێكتێگه‌یشتن.
Kurdish