ئاژانسی هەواڵی ئەسیۆشیەیتد پرێس رایگەیاند، ئەمڕۆ 21ی ئابی 2019 حەسەن رۆحانی، سەرۆک کۆماری ئێران پرۆژەیاسایەکی ئاڕاستەی پەرلەمانی وڵاتەکەی کردووە بۆ لابردنی چوار سفر لە پارەی ئێرانی کە لەئێستادا لەژێر سزاکانی ئەمریکادایە.
باس لەوەشکراوە ئەم هەنگاوە دووای ئەوە هات کە لەسەرەتای مانگی ئابی ئەمساڵدا حکومەتی ئێران رەزامەندی دەربڕی لەسەر لابردنی 4 سفر لە دراوەکەی و گۆڕینی لە ریالەوە بۆ تمەن، بەپێی بۆچوونی بەرپرسانی ئێرانییش ئەم هەنگاوە وادەکات دراوی ئێرانی چالاکتر بێت.
بەهۆی سزاکانی ئەمریکاوە بەهای ریالی ئێرانی بەشێوەیەکی بەرچاو دابەزیوە و واشنتن دەیەوێت هەناردەی نەوتی ئێرانی تا خاڵی سفر بگەیەنێت و ئەوەش بۆ ئەوەیە ملکەچی دانوستانی بکات.
Kurdish