باجی مۆڵه‌تی به‌كارهێنانی ئه‌و مۆبایلانه‌ی سه‌ردانیكه‌ران و هاووڵاتییان به‌مه‌به‌ستی به‌كارهێنانی له‌لایه‌ن خودی خۆیانه‌وه ده‌یهێننه توركیا، كرایه هه‌زار و ٥٠٠ لیره.
له رۆژنامه‌ی فه‌رمیی توركیادا بڕیاری سه‌رۆكایه‌تی كۆمار به‌مه‌به‌ستی دووباره دیارییكردنی بڕی باجی مۆڵه‌تی به‌كارهێنانی ئه‌و مۆبایلانه‌ی سه‌ردانیكه‌ران و هاووڵاتییان له‌گه‌ڵ خۆیاندا ده‌یهێننه توركیا، بڵاوكراوه‌ته‌وه.
به‌و پێیه‌ش باجی مۆڵه‌تی به‌كارهێنانی ئه‌و مۆبایلانه‌ی سه‌ردانیكه‌ران و هاووڵاتییان به‌مه‌به‌ستی به‌كارهێنانی له‌لایه‌ن خودی خۆیانه‌وه، به بێ هیچ ئامانجێكی بازرگانیی له ده‌ره‌وه‌ی وڵاته‌وه ده‌یهێننه توركیا، له ٦١٨ لیره و ٦٠ قوروشه‌وه كرایه هه‌زار و ٥٠٠ لیره.
ئه‌و بڕیاره له سبه‌ینێیەوه ده‌كه‌وێته بواری جێبه‌جێكردنه‌وه.
Kurdish