ئازاد محه‌مه‌د، جوتیاره نمونه‌یه‌که‌ی هه‌ڵه‌بجه که ناسراوه به به‌رهه‌مهێنانی به‌روبومی کشتوکاڵی جیاواز و تایبه‌ت پێشه‌نگایه‌کی به مه‌به‌ستی ناساندی به‌روبومه‌کانی کردوه که تیایدا چه‌ندین به‌رهه‌می جیاوازی نمایش کرد.
ئه‌مرۆ پێنج شه‌ممه 11ی ته‌موزی 2019 له‌سه‌ر بانگێشتی ئازاد محه‌مه‌د، شاندێکی ژووری بازرگانی‌و پیشه‌سازی سلێمانی به سه‌رۆکایه‌تی نه‌وزاد غه‌فور، جێگری سه‌رۆکی ژووری بازرگانی‌و پیشه‌سازی سلێمانی و که‌مال حه‌مه عه‌لی، ئه‌ندامی ئه‌نجومه‌نی کارگێری ژوور و وه‌سفی خه‌لیل، راوێژکاری کشتوکاڵی ژوور به‌شداریان کرد.
شاندی ژووری بازرگانی‌و پیشه‌سازی سلێمانی، ده‌ستخۆشیان له جوتیاره نمونه‌یه‌که‌ی هه‌ڵه‌بجه کرد و داواکار بوون به‌ردوام بێت له داهێنان و به‌رهه‌مهێنانی به‌رهه‌می کشتوکاڵی جیاواز و هاوکاری جوتیارانی هه‌رێمی کوردستان بکات تاکو که‌رتی کشتوکاڵ گه‌شه‌کردنی زیاتر به خۆیه‌وه ببینێت.
ژووری بازرگانی‌و پیشه‌سازی سلێمانی به به‌ردوامی هاوکاری جوتیارانی کورده و چه‌ندین پرۆژه‌ی گرنگی به مه‌به‌ستی هاوکاری جوتیاران و پێشخستنی که‌رتی کشتوکاڵ له هه‌رێمی کوردستان ئه‌نجامداوه و ئه‌مرۆش شاندی ژووری بازرگانی‌و پیشه‌سازی سلێمانی له هه‌ڵه‌بجه هه‌موو جۆره پشتیوانیه‌کیان بۆ ئازاد محه‌مه‌د، جوتیاره نمونه‌یه‌که‌ی هه‌ڵه‌بجه دووپات کردوه.
Kurdish