جێگری سەرۆک کۆماری ئێران دەڵێت بەراورد بە تەمەنی دەیان ساڵەی کۆماری ئێسلامی ئێران ئیستا دۆخی ئابووریی وڵاتەکەی خراپە و داوای خۆڕاگری لە خەلکەکەی دەکات.
ئێسحاق جەهانگیری جێگری یەکەمی سەرۆک کۆماری ئێران سەبارەت بە گۆشارە ئابووریەکانی سەر وڵاتەکەی رایگەیاند، دۆخی ئێستای ئێران بە بەراورد بە سەردەمی شەڕی ٨ ساڵەی لەگەڵ عێراق کە زیاتر لە سەدا٥٠ بودجەی کورتی هێنابوو، خراپترە.
ئێسحاق جەهانگیری، لەبارەی لاوازبوونی سەرچاوە ئابووریەکانی ئێران هۆشداری دەدات و دەڵێت، بە بەراورد بە تەمەنی چل ساڵەی کۆماری ئێسلامی ئەو گۆشارە ئابووریەی کە ئێستا بەرگەی دەگرن بە بێ‌وێنەیە.
جەهانگیری داواش لە خەڵکی وڵاتەکەی دەکات خۆڕاگر بن.
Kurdish