سعوودیە لە ماوەی ٥ ساڵی رابردوودا بەبەھای ١٨ ملیار دۆلار ئۆتۆمبێلی لە ئەمریكاوە ھاوردەكردووە.
لیژنەی پەیوەندییە گشتییەكانی سعوودیە-ئەمریكا رایگەیاندووە ، سعوودیە پێنجەم گەورەترین ھاوردەكاری ئۆتۆمبێلی ئەمریكایە، بە جۆرێك قەبارەی ئەو ئۆتۆمبێلانەی كە لە ئەمریكا ھاوردەیكردووە لە ماوەی ٥ ساڵی رابردوودا ، ١٨ ملیار دۆلاری تێپەڕاندووە.
بەگوێرەی راپۆرتێكی حكومی كە لەلایەن ئیدارەی بازرگانی نێودەولەتیی ئەمریكاوە بلاوكراوەتەوە لە ماوەی ٢٠١٨ دا ، سعوودیە بە گەورەترین ھاوردەكاری ئۆتۆمبێل و پارچەكانی ئۆتۆمبێلی ئەمریكایی ھەژماركراوە لە ناوچەی رۆژھەڵاتی نێوڕاستدا ، بەجۆرێك سەدا ٤٠ ی سەرجەم ئۆتۆمبێلە فرۆشراوەكانی ئەو ناوچەیە پێكدینیت.
لە ماوەی ساڵی ٢٠١٧دا ، بەھای ئەو رێككەوتنە ئابوورییانەی كە لەنێوان ھەردوولا كراوە ٤٠٠ ملیار دۆلاری تێپەڕاندووە.
Kurdish