کاری یانزە پرۆژەی گەشتوگوزار لە سنوری گەرمیاندا بەھۆی قەیرانی داراییەوە ڕاگیرا، بەڵام لەسەر فەرمانی قوباد تاڵەبانی بەشێک لەو پرۆژانە کەوتونەتەوە کرا.
پشتیوان عەبدولکەریم بەڕێوەبەری گشتی گەشتوگوزاری گەرمیان رایگەیاند، قوباد تاڵەبانی جێگری سەرۆکی حکومەتی ھەرێم پشتیوانی تەواوکردنی کاری پرۆژە راگیراوەکانی گەشتوگوزارە لەگەرمیاندا. ئاشکراشیکرد، لەو یانزە پرۆژە راگیراوە، چوار پرۆژەیان کەوتوەتەوە کار کە سێ دانەیان تەواوکراون.
بەڕێوەبەری گشتی گەشتوگوزاری گەرمیان وتیشی، پرۆژەی دروستکردنی دوو بینای گەشتوگوزار لەکەلار و بینایەک لەکفری تەواوکراون و بەردەوامیشن لەسەر تەواوکردنی ھەموو پرۆژە راگیراوەکانی کەرتی گەشتوگوزار لەناوچەکەدا.
Kurdish