نرخی ئەمپێری مۆلیدە ئەھلییەکان بۆ مانگی حوزەیران دیاریکراو لە سلێمانی نرخی ئەمپێرێک کارەبا لە نێوان 5 ھەزار بۆ 6 ھەزار دینار دەبێت و لە دھۆک نزیکەی دوو ئەوەندەی سلێمانییە.
بەڕێوەبەرایەتیی گشتیی کارەبای سلێمانی لە راگەیەندراوێکدا ئاماژەی بۆ ئەوەکردووە، بۆ مانگی تەمووز گۆڕانکاریی لە بەرنامەی مۆلیدە ئەھلییەکاندا دەکرێت و ھەرکاتێک کارەبای نیشتمانیش کوژایەوە راستەوخۆ مۆلیدە ئەھلییەکان کارەبا بە ھاووڵاتیان دەدەن.
ھەروەھا پاش کوژانەوەی کارەبای نیشتیمانی، 10 خولەک زیاتر بەسەر کارپێکردنی مۆلیدە ئەھلییەکان تێپەڕێت، سەرپێچیکار رووبەرووی یاسا دەکرێتەوە.
لەبەشێکی تری راگەیەنراوەکەدا ھاتووە، نرخی ئەمپێرێک کارەبا لە نێوان 5 ھەزار بۆ 6 ھەزار دینار دەبێت و ھاوکات بەڕێوەبەرایەتیی گشتیی کارەبای دھۆک نرخی ئەمپێرێک کارەبای موەلیدەی بە 11 ھەزار و 500 دینار دیاریکراوە بە پێی سەعاتی کارکردنی موەلیدەکان.
Kurdish