تا ئێستا ئەو کۆمپانیایەی بڕیارە ئۆتۆمبێل بە قیست بدات بە مامۆستایانی ھەرێم وەڵامی کۆتایی یەکێتیی مامۆستایانی نەداوەتەوە.
عەبدولواحید محەمەد سەرۆکی یەکێتیی مامۆستایانی کوردستان راگەیاند: گفتوگۆکانیان لەگەڵ کۆمپانیایەک بۆ پێدانی ئۆتۆمبێل بە قیست بۆ مامۆستایان بەردەوامە، بەڵام تا ئێستا نەگەیشتوونەتە رێککەوتنی کۆتایی و کۆمپانیاکە وەڵامی کۆتایی نەداونەتەوە.
وتیشی: لە درێژەی گفتوگۆکاندا داوایانکردووە وردەکاریی تەواویان بدەنێ لەسەر چۆنیەتی پێدانی ئۆتۆمبێل کە بە چ شێوازێک دەبێت و نرخەکان چۆن دادەنرێت و چەند لەسەر مامۆستایان دەکەوێت.
ئاماژەی بۆ ئەوەشکرد، گرنگترین بابەت ئەوەیە، کارئاسانیی بۆ مامۆستایان بکرێت و نرخێکی گونجاو بێت و زیادە نەخرێتە سەر نرخەکان.
Kurdish