ھەشتا كۆمپانیای یۆنانی لە ئامادەكاریدان بۆ ئەوەی مانگی تشرینی یەكەمی ئەمساڵ سەردانی بەغدا بكەن.
بەگوێرەی بەیاننامەیەكی ژووری بازرگانی بەغدا ،بڕیارە لە مانگی تشرینی یەكەمی ئەمساڵ ، ٨٠ كۆمپانیای یۆنانی روو لە بەغدا بكەن و لە كۆڕبەندی عێراقی – یۆنانی بەشداربن، بەو ئامانجەی كە لە بازاڕەكانی عێراقدا كاری وەبەرھێنانی زیاتر ئەنجام‌بدەن.
لە بەیاننامەكەدا ھاتووە، وەزارەتی بازرگانی لەگەڵ باڵیۆزی یۆنان لە عێراق جەختیان لە پتەوكردنی پەیوەندییە ئابوورییەكانی نێوان ھەردوولا كردووە ، بەو پێیەی كە ماوەی ٥ ساڵ زیاترە ھەوڵێكی زۆر دراوە بۆ ئەوەی كوربەندی ئابووری عێراقی – یۆنانی و ئەوروپایی گەورە ئەنجام بدرێت بەبەشداری سەدان بازرگان و كۆمپانیا و پیاوانی كاری عێراقی و یۆنانی، ئەوەش لە نێوان ھەردوو وڵات ھۆكاری سەرەكی درووستبوونی پەیوەندییەكی ئابووری بەھیز بووە.
Kurdish