لیژنەی تایبەت بە پڕۆژەی شەقامی 100 مەتریی سلێمانی راپۆرتی خۆی لەسەر پڕۆژەکە ئاڕاستەی ئەنجومەنی وەزیران دەکات.
ئـازاد رەسـوڵ بەڕێوەبەری فەرمانگەی شەقامی 100 مەتری راگەیاند: ئەو لیژنەیەی بۆ ئامادەکردنی راپۆرتێک لەسەر شەقامی 100 مەتریی سلێمانی پێکھێنرابوو، راپۆرتەکەی تەواوکردووە و پێشکەش بە جێگری سەرۆکی حکومەتی کردووە و دوای لێکۆڵێنەوە لە راپۆرتەکە وەڵامی لیژنەکە دەدرێتەوە.
وتیشی: جێبەجێکردنی پڕۆژەکە دەکەوێتە دوای پێکھێنانی کابینەی نوێی حکومەتی ھەرێم، لە راپۆرتەکەدا چەند ئەلتەرناتیڤێک لەسەر دەرخستەی پڕۆژەکە ئامادەکراوە، کام لەو ئەلتەرناتیڤانە لە توانای دارایی حکومەتدا بێت ئەوەیان جێبەجێ دەکرێت.
Kurdish