خالید حەمزە، بەڕێوەبەری گشتی کۆمپانیای ئیکسۆن مۆبیل رایگەیاند، ٢٢ کارمەند لە کۆمپانیای ئیکسۆن مۆبیلی ئەمریکی گەڕانەوە سەر کارەکانیان لە کێلگەی رۆژئاوای قوڕنە ١ لە پارێزگای بەسڕە باشووری عێراق.
حەمزە لە لێدوانێکدا بۆ کەناڵی تەلەڤیزیۆنی فەرمی دەوڵەت، رایگەیاند “بڕیارە رۆژی یەکشەممەی داهاتوو سەرجەم کارمەندانی دیکەی کۆمپانیاکە بگەڕێنەوە عێراق”.
لە ١٨ی ئایاری رابردوو، ٨٠ کارمەندی کۆمپانیای ئیکسۆن مۆبیلی ئەمریکی بەهۆکاری ئەمنیی عێراقیان جێهێشت و چوونە ئیمارات.
خالید حەمزە روونی کردەوە کە بەرهەمی کێڵگەکە نەوتییەکە لە ئێستادا رۆژانە ٤٣٥ بەرمیلە و وەک پلانی بۆ دانراوە بەرهەمەکەی بەرزبکرێتەوە بۆ ٤٥٠ هەزار بەرمیل رۆژانە.
Kurdish