دوای دو مانگ لە دابەزینی بەردەوام، نرخی تمەن لە ئێران بەرامبەر دۆلار بەرز بوەوە.
میدیاکانی ئێران بڵاویان کردوە؛ بەهای تمەن گەیشتوەتە بەرزترین ئاستی خۆی لە دو مانگی رابردودا و بەهای هەر دۆلارێک لە نزیکەی (17) هەزار تمەنەوە بۆ (13) هەزار تمەن دابەزیوە.
ئاماژە بەوەکراوە؛ ئەمڕۆ بانکەکانی تایبەت بە بڵاوکردنەوەی دراوی بیانی لە ئێران بۆ هەر دۆلارێکی ئەمەریکی (12) هەزار و (770) تمەنیان وەرگرتوە و بەهای هەر یۆرۆیەک (14) هەزار و (283) تمەن و هەر پاوەنێک بە (16) هەزار و (158) تمەن فرۆشراوە.
هەر ئەمڕۆ هەر دۆلارێک لە بازاڕەکانی ئێران بە (13) هەزار و (350) تمەن مامەڵەی پێوەدەکرێت و ئەمەش بەراورد بە دو مانگی رابردو هەرزانترین نرخە کە دراوی دۆلار بەرامبەر تمەن تۆماری کردبێت.
لەگەڵ کشانەوەی ئەمەریکا لە رێککەوتنە ئەتۆمییەکە و کاراکردنەوەی سزاکان لە لایەن واشنتۆنەوە بۆ سەر ئێران، بەهای هەر دۆلارێک لەو وڵاتە گەیشتە نزیکەی (21) هەزار تمەن، ئەوەش ئەو وڵاتەی روبەڕوی قەیرانی گەورەی داریی کردوە و بەرپرسانی حکومیی و داراییش هەوڵ و پلانی زۆریان دا بۆ ریگریی لە بەرزبونەوەی زیاتری بەهای دۆلار لە بەرامبەر تمەندا.
Kurdish