ئه‌مڕۆ نرخی نه‌وت له بازاڕه‌كانی جیهان به‌رده‌وامه له دابه‌زین و له ئێستادا هه‌ر به‌رمیلێك له خوار 71 دۆلاره‌وه مامه‌ڵه‌ی پێوه‌ده‌كرێت.
به‌یانی ئه‌مڕۆ پێنج شه‌ممه رێكه‌وتی 23 ی ئایارى 2019، نرخی به‌رمیلێك نه‌وت له جۆری برێنت به 70 دۆلار و 36 سه‌نته، له كاتێكدا به‌یانى دوێنێ به 71 دۆلار و 74 سه‌نت بوو.
هاوكات له ئێستادا نرخی هه‌ر به‌رمیلێك نه‌وتی خاوی ئه‌مه‌ریكی له بازاڕه‌كانی جیهان به 60 دۆلار و 90 سه‌نت مامه‌ڵه‌ی پێوه‌ده‌كرێت، له كاتێكدا به‌یانى دوێنێ به 62 دۆلار و 58 سه‌نت مامه‌ڵه‌ی پێوه‌ده‌كرا.
بەرزبوونەوە و دابەزینی نرخی نەوت پەیوەستە بە زیادبوونی ئاستی بەرھەمھێنان و ئاسایشی وڵاتانی بەرھەمھێن و ئاستی بەرھەمھێنانی نەوتی بەردین لەلایەن ویلایەتە یەکگرتووەکانی ئەمریکاوە.
جگە لەوەش لە چەند ڕۆژی ڕابردوودا بەھۆی ھەڕەشەکانی ئەمریکا لە ئێران کە نەوتی ھەناردەکراوی ئەو وڵاتە دێنێتە سەر سفر نرخی نەوتی خاو لە بازاڕەکانی جیھاندا بەرزبوونەوەی تۆمار کرد.
Kurdish