وه‌زیری ده‌ره‌وه‌ی ئێران، محه‌مه‌د جه‌واد زه‌ریف رایگەیاند كه بڕیاری داخستنی گه‌رووی هورمز له‌ده‌ست وه‌زاره‌تی ده‌ره‌وه‌دا نییه و له ده‌ست سوپادایه.
به مه‌به‌ستی به‌شداریكردن له رۆژی دیپلۆماسی بۆ ئاشتیی و فره‌لایه‌نی نێوده‌وڵه‌تی كه له ئه‌نجوومه‌نی گشتیی نه‌ته‌وه یه‌كگرتووه‌كان به‌ڕێوه‌ده‌چێت، زه‌ریف سه‌ردانی شاری نیویۆركی كرد و بۆ ئاژانسی هه‌واڵیی فه‌رمی ئێران IRNA دوا.
له وه‌ڵامی پرسیارێكدا له‌باره‌ی كه ئایا دژبه هه‌وڵه‌كانی ئه‌مریكا كه هه‌نارده‌ی نه‌وتی ئێرانی كردووه‌ته ئامانج، گه‌رووی هورمز داده‌خه‌ن یان نا، زه‌ریف گوتی: “من بۆچوون دیاریی ناكه‌م بۆ بژارده سه‌ربازییه‌كان، ئه‌وه سوپا ده‌بێت بڕیار له‌و بابه‌ته‌دا بدات”.
وتیشی: “گوتمان كه ئێران سه‌قامگیری هه‌رێمیی و به‌رژه‌وه‌ندییه‌كانی ده‌پارێزێت. ده‌بێت سه‌قامگیری هه‌رێمیی و گه‌شه‌پێدانی ئابووریی بۆ هه‌مووان بێت. به‌رژه‌وه‌ندییه‌كانی ئێران له‌گه‌ڵ پاراستنی سه‌قامگیری ناوچه‌كه‌یه و ده‌بێت سه‌قامگیری بۆ هه‌مووان بێت”.
هه‌روه‌ها زه‌ریف باسی له‌وه كرد كه ئه‌مریكا هۆكاری سه‌ره‌كی ناسه‌قامگیری ناوچه‌كه‌یه.
Kurdish