پەرلەمانی عیراق یاسای دەستەی پیشەسازی جەنگی تاوتوێ دەكات

ئەمرۆ سەعات یەكی پاش نیوەرۆ كۆبونەوەی ئاسایی ئەنجومەنی نوێنەرانی عیراق بەرێوەدەچێت بۆ تاوتوێكردنی ژمارەیەك پرۆژەیاسای گرنگ.

بەشی راگەیاندنی ئەنجومەنی نوێنەرانی عیراق بڵاویكردەوە بەپێی بەرنامەی كاری كۆبونەوەكە گفتوگۆدەگرێت لەسەر پرۆژەیاسای پەیوەندییەكان و زانیارییەكان لەگەڵ خوێندنەوەی یەكەم بۆ پرۆژەیاسای دادگای فیدراڵی و پرۆژەیاسای دەستەی پیشەسازی جەنگی.

هەر لەو كۆبونەوەیەی ئەنجومەنی نوێنەرانی عیراق گفتوگۆ دەكرێت لەسەر راپۆرت و پرۆژەیاسای تاوانی ئەلیكترۆنی و تاوتوێكردنی پرۆژەیاسای هەمواری یەكەمی یاسای ژمارەی 72ی دەستبەسەراگرتنی موڵكە گواستراوە و نەگوازراوەكانی دارودەستەكەی ڕژێمی بەعسی لەناوچوو و ژمارەیەك پرۆژەیاسای دیكە.