به‌ڕێوەبەرایەتی گشتی ڕەگەزنامەی ھەرێمی کوردستان ئاگادارییەکی لەبارەی نوێکردنەوەی پاسپۆرت بڵاو کردەوە.
بەپێی ئاگادارییەکی بەرێوەبەرایەتی گشتی ڕەگەزنامەی ھەرێمی کوردستان کە وێنەیەکی دەست ئاژانسی ھەواڵی زاگرۆس کەوتووە و تێیدا پێداویستییەکانی نوێکردنەوەی پاسپۆرت بۆ ھاووڵاتییان دەخاتە ڕوو.
ڕوونیشکراوەتەوە، کە لەکاتی سەردانکردنی ھاووڵاتییان بۆ مەبەستی نوێکردنەوە (تازەکردنەوە)ی پاسپۆرت، پێویستە ئەم بەڵگەنامانەی خوارەوەی پێ بێت بۆ جێبەجێکردنی مامەڵەکە.
١- ڕەگەزنامە (الجنسیە) پێویستە فسفۆربێت.
٢- پێناسی باری شارستانی (ھویە الاحوال) پێویستە فسفۆربێت.
٣- کارتی زانیاری (بگاقە سکن).
٤- یەک وێنەی پاسپۆرت.
٥- پاسپۆرتە کۆنەکەت.
٦- چەکی بانک کە بڕەکەی ٢٩ ھەزار دینارە.
یان ئەگەر کارتی نیشتمانیت ھەیە لە جیاتی (ڕەگەزنامە و پێناسی باری شارستانی) پێویستە
(کارتی نیشتمانی + کارتی زانیاری) لەگەڵ خۆت بھێنیت.
٧- پیویستە پاسپۆرتە کۆنەکە لاپەڕەکانی پرکرابێتەوە یاخود ماوەکەی بەسەرچووبێت کەنابێت لە ساڵێک زیاتری مابێت.
Kurdish