دەركردنی ڤیزەی ئەلیكترۆنی بێ بەرامبەر لە نوێنەرایەتی كۆماری ئیسلامی ئێران لە هەولێر، دەچێتە بواری جێبەجێ كردنەوە.
مورتەزا عەبادی سەركۆنسووڵی كۆماری ئیسلامی ئێران لە هەولێر، ئەمڕۆ دووشەممە 1ی نیسانی 2019 رایگەیاند :” ئەوانەی دەیانەوێت ڤیزەی ئێرانیان بۆ دەربكرێت دەتوانن لە ڕێگەی پێگەی ئەلكترۆنی http://visa.mfa.ir لە ماڵ یا نووسینگەكانی ئینتەرنێت و كۆمپانیای گەشتیاری، ناو و زانیاری پێویستی ڤیزە تۆمار بكەن و پەسندبوونی داواكاریەكەیان وەربگرن.”
ووتیشی:” لەبەر ئەوەی دەركردنی ڤیزەی ئەلیكترۆنی لە قۆناغی سەرەتادایە، ئەگەری هەندێ هەڵە بوونی هەیە، هەر بۆیە باشتر وایە گەشتیار و موسافیرانی ئازیز بۆ دڵنیابوون لە پەسندبوونی پێدانی ڤیزە, كۆپیەك لە ڤیزەی ئەلیكترۆنی وەربگرن.”
Kurdish