بەرپرسێكی یەكێتی ژوورە بازرگانی و پیشەسازییەكانی هەرێمی كوردستان ئاشكرای دەكات، بازرگانانی دەوڵەمەنترین هەرێمی وڵاتی بەلجیكا سەردانی هەرێمی كوردستان دەكەن.
كاروان سوورچی وتەبێژی ژوورە بازرگانی و پیشەسازییەكانی هەرێمی كوردستان بە ڕاگەیاند، ئەمڕۆ شاندێكی ئابووری یەكێتی ئەوروپا و بە دیاركراوی وڵاتی بەلجیكا دەگەنە هەرێمی كوردستان و دەیانەوێت لێرە كاری وەبەرهێنان بكەن.
زیاتر روونی دەکاتەوە، بڕیارە سبەی لە ژووری بازرگانی كۆبوونەوەیەکی هاوبەشمان هەبێت و گفتوگۆ لەسەر وردەكارییەكان دەكەین و هەموو ئاسانكارییەكیان بۆ دەكەین.
سوورچی ئاشكرای كرد، ئەو شاندە لە هەرێمی فلاندەرزی بەلجیكا هاتوون كە یەكێكە لە هەرێمە دەوڵەمەندەكانی ئەو وڵاتە و ڕێژەی %80ـی داهاتی ئەو وڵاتە پێك دەهێنن، مەبەست لەو سەردانە، بۆ پەرەپێدانی پێوەندییەكانی نێوان هەرێمی كوردستان و وڵاتانی یەكێتیی ئەوروپایە بەتایبەت لە بواری ئابووریدا، چونكە ئەوان دەیانەوێت لە هەرێمی كوردستان كاری بازرگانی و وەبەرهێنان بكەن.
هاتنی ئەو شاندە لە كاتێكدایە ئێستە هەرێمی كوردستان بەهۆی تێپەڕاندنی تەنگژەی داراییەوە دۆخی ئابووری بەرەو باشبوون دەڕوات، ئەوەش وایكردووە بازرگانان جارێكی تر روو لە کوردستان بکەنەوە.
وشه
Kurdish