ئەمڕۆ لە رۆژی جلوبەرگی نەتەوەیی و ھاتنی وەرزی بەھار، بەشی زۆری مامۆستایان و قوتابیان و فەرمانبەران و چین و توێژە جیاجیاکان لە ھەردوو رەگەز، جیاواز لە رۆژەکانی دیکەی ساڵ بە جلوبەرگی کوردییەوە چونەوە دەوام و سەر کارەکانیان و چەندین فێستیڤاڵی تایبەت و چالاکی جۆراو جۆر بەو بۆنەیەوە ساز کران.
لە زۆربەی قوتابخانە و فەرمانەکەگاندا بەم بۆنەیەوە ئاھەنگ و ئاھەنگی گۆرانی و میوزیک و نمایشی تایبەتی جلوبەرگ و خواردنی کوردەواری سازکران.
ھەر لەو چوارچێوەیەدا پاش نیوەڕۆی یەکشەممە لە پارکی ئازادی شاری سلێمانی فێستیڤاڵێکی گەورە بۆ مامۆستایان و قوتابیانی چەند قوتابخانەیەک سازکرا و چەندین چالاکی جۆراوجۆریان بەو بۆنەیەوە پێشکەش کرد.
ئێوارەش لە فاملی مۆڵ لە سلێمانی بە سەرپەرشتی بەڕێوەبەرایەتی رۆشنبیری و ھونەری سلێمانی، چالاکی تایبەت بەم بۆنەیەوە سازکرا و تیایدا نمایشی تایبەت بە جلوبەرگی کوردی پیاوان و ژنان، ھەروەھا ئاھەنگی گۆرانی و میوزیک پێشکەش کرا.
Kurdish