ڤۆڵڤۆ رایگەیاند کەوا ئۆتۆمبێلە نوێکانی بە ١٨٠ کیلۆمەتر لەسەر سەعات سنووردار دەکرێن و بەرواری پڕۆژەکەش ئاشکرا کرد.
کۆمپانیای زەبەلاحی ڤۆڵڤۆ کە ناوەندەکەی لە سوید-ە، بڕیاری دا خێرای گشت ئۆتۆمبێلەکانی بۆ ١٨٠(کیلۆمەتر/سەعات) کەم بکاتەوە. لەم بارەیەوەش روونکردنەوەیەکی فەرمی بڵاوکردەوە.
بەپێی ئەو روونکردنەوەی کە کۆمپانیاکە بڵاویکردووەتەوە، جەختی لەوە کردووەتەوە کە لە ساڵی ٢٠٢١ـەوە ئۆتۆمبێلە نوێکان بە ١٨٠ کیلۆمەتر لەسەر سەعات سنووردار دەکرێن و پڕۆژەکە دەخرێتە گەڕ.
هەروەها کۆمپانیایەکە بۆ جێبەجێکردنی ئەم سیستەمە، تەکنەلۆژیای کۆنتڕۆڵکردنی خێرایی و چوارچێوەی خەیاڵی بەکاردەهێنێت.
جێگای باسە کە ڤۆڵڤۆ ئەم بڕیاری بۆ کەمکردنەوەی رووداوەکانی هاتوچۆ دەرکردووە، بۆ ئەوەی مەترسی گیانلەدەستدان و برینداربووان کەم ببێتەوە.
Kurdish