پارێزەرێكی خۆبەخشی كەیسی جوتیارانی هەرێم رایگەیاند، ئەمڕۆ سێشەممە دادگای رەسافە بڕیاریدا تانەی وەزارەتی بازرگانی عێراق رەت بکاتەوە بەوەش توانیمان کەیسەکە لەبەرژوەندی جوتیارانی هەرێم ببەینەوە و حكومەت پابەند بكەین بەخەرجكردنی پارەی گەنمی جوتیارانی هەرێم دوای 30 رۆژ بەسەر بڕیارەكە.
رێبین شەمامکی، پارێزەری خۆبەخش لەکەیسی پارەی گەنمی جوتیارانی هەرێمی راگەیاند” توانیمان کەیسەکە لە دادگایی رەسافە ببەینەوە و بە زۆرینەی دەنگی دادوەرانی دادگاكە پشتیوانی لە بڕیارەکەی دادگای بەرایی بەغدایان کرد و سکاڵاکەکەی جوتیارانی هەرێم سەرکەوت.
ئەو پارێزەرە رونیشیکردە : ئەمڕۆ سێشەممە ٥ ئازاری ۲٠۱۹ دادگابڕیاریدا تانەی وەزارەتی بازرگانی عێراق رەت بکاتەوە، بەوەش دەبێت لەدوای تێپەڕینی ٣٠ رۆژ بەسەر دەرچوونی ئەو بڕیارەی دادگادا حکومەتی عێراق شایستە داراییەکانی جوتیارانی هەرێم بنێرێت.
Kurdish