نرخی ئەمپێری کارەباى مۆلیدە بۆ مانگی دوو دیاری کرا

نرخی ئەمپێری کارەباى مۆلیدە بۆ مانگی دوو دیاری کرا

 

وتەبێژی کارەبای سلێمانی نرخی ئەمپێڕێک کارەباى مۆلیدە ئەهلییەکان لە مانگی شوبات لەنێوان (9) بۆ (10) هەزار دینار رادەگەیەنێت و خشتەی پێدانی کارەبای مۆلیدە ئەهلییەکان لە سنوری پارێزگای سلێمانی بۆ مانگی ئازار ئاشکرادەکات.

 

سیروان محەمەد، ووتەبێژی بەڕێوەبەرایەتی گشتی کارەبای سلێمانی رایگەیاند؛ نرخی کاتژمێرێک ئەمپێری مۆلیدە ئەهلییەکان بۆ مانگی شوبات بە (39.75) دینار و حەفتاو پێنج فلس دیاریکراوە،  موەلیدەکانیش بەتێکڕایی لەنێوان (240) بۆ (260) کاتژمێر کاریان کردووە، بەوەش نرخی ئەمپێرێک لە نێوان (9.500) بۆ (10.500) هەزار دینار دەبێت، بەوەش نرخی ئەمپێڕێک لە گەرەکێک بۆ گەرەکێکی تر جیاوازە.

سەبارەت بەبەرنامەی کارکردنی موەلیدەکان بۆ مانگی (3) ئازار، وتەبێژی بەڕێوەبەرایەتی گشتی کارەبای سلێمانی ووتی؛ مۆلیدە ئەهلییەکان رۆژانە لە کاتژمێر لە (1)ی پاشنیوەڕۆ بۆ (1)ى شەو، بەیانیان کاتژمێر (7) بۆ (8:30) دەبێت و هەرکاتێک کارەبای نیشتیمانی نەبوو لەو کاتانەدا مۆلیدە ئەهلییەکان کارەبا بۆ هاوڵاتیان دابین دەکەن، ، بەڵام  رۆژانی هەینی بەیانیان کار ناکەن و لەبری ئەوە  پێش نیوەروان کاتژمێر 11:30 کار بە مۆلیدەکان دەکەن.

ووتیشی: لە کۆبونەوەکەدا، ئەو خاڵە دووپات کرایەوە کە پێویستە پاش کوژانەوەی کارەبای نیشتمانی 15 خولەک زیاتر بەسەر دابینکردنی کارەبای مۆلیدە تێنەپەرێت ، بەپێچەوانەوە، سەرپێچیکار رووبەرووی یاسا دەکرێتەوە.

سەبارەت بە نرخی کارەبای یەکەکانی نیشتەجێبوون و سیتیەکان نرخی کیلۆواتێک بە (207.5) دوسەد و حەوت دینار و نیو دیاریکرا، بەڵام ئەگەر سیتیەکان وێستگەکانیان 11 کەیڤی بوو ئەوا 5 دینار و وێستگەکەی کەیڤی بوو 10 دیناری بۆ زیاد دەکرێت.