نووسينگه‌ى رۆژنامه‌وانى فوئاد حسێن، جێگرى سه‌رۆك وه‌زيرانى عێراق بۆ كاروبارى ئابوورى، ئه‌مڕۆ پێنجشه‌ممه 28ى شوبات ئاشكرايكرد: له‌گه‌ڵ فاتح يه‌ڵدز، باڵیۆزى توركيا له عێراق، چه‌ند پرسێكى ئابوورييان تاووتوێكردوه.
به‌پێى به‌ياننامه‌كه: باڵیۆزى توركيا سوربوونى وڵاته‌كه‌ى له به‌شداريكردنى هه‌ڵمه‌تى ئاوه‌دانكردنه‌وه و نۆژه‌نكردنه‌وه‌ى عێراقدا دووپاتكردووەته‌وه، له چوارچێوه‌ى ئه‌و بڕيارانه‌ى له كۆنگره‌ى كوه‌يت بڕيارى له‌سه‌ردراوه، له‌ڕێگه‌ى چه‌ندين پرۆژه‌ى ستراتيژى په‌يوه‌ست به ژێرخانى ئابوورى و چه‌ندين پرۆژه‌ى گرنگى وه‌ك رێكخستنه‌وه‌ى ئاو و ئاودێرى.
نووسينگه‌ى فوئاد حسێن ئاماژه‌ی بەوەشکردووە: پێشوازى له پاڵپشتى و هاوكارييه‌كانى توركيا كردوه، به‌پێى ئه‌وله‌ويه‌ت و به‌رنامه‌ى كارى حكومه‌تى عێراق.
ئاشكراشيكردوه: هه‌ردوولا رێككه‌وتوون له‌سه‌ر ته‌واوكردنى پێداويستييه‌كانى رێككه‌وتنى قه‌ده‌غه‌كردنى باجى دوولايه‌نه له نێوان هه‌ردوو وڵاتدا.
Kurdish