لەمیانی وتارێکدا نوری ناتق دلێمی باسی لەوەکرد، بەهۆی ئەو هاوکارییەی کە یەکێتی ئەورووپا پێشکەشی دەکات لە بەسڕە کە بەشێوەیەکی جددیی لەرووی خزمەتگوزارییەوە پشتگوێخراوە، ژمارەیەک پرۆژەی گەشەپێدان ئەنجامدەدرێن و سوپاسی یەکێتی ئەورووپا-شی کرد بۆ درێژەدان بە هاوکارییکردنی عێراق لە رووی داراییەوە.
لای خۆشییەوە، رامۆن بلێکوا ئاماژەی بەوەکرد کە، ئامانجیان ئەوەیە لەرێگای واژووکردنی ئەم رێککەوتننامەیە ئابووری عێراق بەهێزبکەن و هەلی نوێی کارکردن بڕەخسێنن.
بلێكوا وتیشی، “ئه‌م هاوكارییه، به‌سڕه و شوێنه‌كانی دیكه‌ی عێراق ده‌گرێته‌وه كه پێویستیان به هاوكاری هەیە. یەکێتی ئەورووپا به‌تایبه‌تی پابه‌ندی به‌ڵێنه‌كانی ده‌بێت له‌باره‌ی ره‌خساندنی هه‌لیكاری نوێ و پشتگیریكردنی حكوومەته خۆجێییه‌كان له‌وباره‌وه. ئێمه وه‌ك یەکێتی ئەورووپا، جگه له‌و شوێنانه‌ی له‌تیرۆر رزگاركراون، له شاره‌كانی باشووری ئه‌و وڵاته‌ش پڕۆژه‌ی هاوكاری و بووژاندنه‌وه‌مان ده‌بێت”.
به‌پێی رێككه‌وتنه‌كه، شوێنه‌واره مێژوویی و كولتوورییه‌كانی مووسڵ و به‌سڕه كه زیانیان به‌ركه‌وتووه، سه‌رله‌نوێ نۆژه‌ن ده‌كرێنه‌وه و، له گونده‌كانی ده‌وروبه‌ری مووسڵدا پشتگیری دارایی هه‌ندێك پڕۆژه‌ی كشتوكاڵ و گه‌شه‌پێدان ده‌كرێت و، هه‌لی كار بۆ گه‌نجان ده‌ڕه‌خسێندرێت.
Kurdish