بەڕێوەبەرایەتی ڕێگاوبان و گواستنەوەی پارێزگای كرماشان ڕایدەگەیەنێت، ساڵی ڕابردوو زیاتر لە 121 هەزار بارهەڵگر لەخاڵی سنووری پەروێزخانەوە هاتووچۆیان كردووە.
فەریبۆرز كەریمی بەڕێوەبەری گشتی ڕێگاوبان‌و گواستنەوەی پارێزگای كرماشان رایگەیاند، ساڵی 2018 زیاتر لە یەك ملیۆن‌و 958 هەزار تۆن كاڵای ترانزێت لە مەرزی پەروێزخانەوە تێپەڕ بووە، هەر لەو ماوەیەشدا 121 هەزارو 309 بارهەڵگری ترانزێت لە مەرزەوە هاتووچۆیان كردووە كە 48 هەزارو 333یان بارهەڵگری ترانزێتی بیانی‌و 72 هەزارو 976یان بارهەڵگری ئێرانی بوون.
ئاماژەی بەوەشكردووە، هەر لەو ماوەیەدا 90 هەزارو 135 كەس لە خاڵی سنووری پەروێزخانەوە هاتووچۆیان كردووە.
Kurdish