نرخی نەوت لە بازاڕەکانی جیهاندا بەرزترین ئاستی لە ئەمساڵدا تۆمارکرد و نرخی بەرمیلێک نەوتی برێنت لە بازاڕەکانی جیهاندا بە ٦٦ دۆلار و ٣١ سەنتە، هاوکات نرخی بەرمیلێک نەوتی خاوی ئەمریکاش بە ٥٥ دۆلار و ٨١ سەنتە.
بەرزبونەوەی نرخی بۆ ئەم ئاستە دوای ئەوە دێت سعودیە بەرهەمهێنانی نەوتی لە بەشێک لە گەورەترین کێڵگە نەوتییەکانی وڵاتەکەیدا راگرت و نرخی نەوت بەڕێژەی ٣% بەرزبوەوە و بەرزترین ئاستی لە مانگی تشرینی دووەمی ساڵی ڕابردووەوە تۆمارکرد.
ئەمەش لە کاتێکدایە، لە سەرەتای ئەمساڵدا نرخی نەوتی برێنت بۆ ئاستی ٥٠ دۆلار بۆ هەر بەرمیلێک دابەزی.
بەرزبوونەوە و دابەزینی نرخی نەوت پەیوەستە بە زیادبوونی ئاستی بەرهەمهێنان و ئاسایشی وڵاتانی بەرهەمهێن و ئاستی بەرهەمهێنانی نەوتی بەردین لەلایەن ئەمریکاوە.
Kurdish