هه‌فته‌ی رابردوو شاندێكی ئوردنی به‌سه‌رۆكایه‌تی سه‌ۆك كۆماری ئه‌و وڵاته گه‌یشته به‌غداد و له‌گه‌ڵ سه‌رۆك كۆماری عێراق كۆبونه‌وه ده‌رباره‌ی چه‌ندین بواری ئابووری رێكه‌وتنیان ئه‌نجام دا.
وه‌سفی خه‌لیل، راوێژكار له ژووری بازرگانی و پیشه‌سازی سلێمانی له‌م باره‌یه‌وه رایگه‌یاند ”حكومه‌تی عێراق و ئوردن له‌سه‌ر بواره‌كانی كشتوكاڵ و بازرگانی و پیشه‌سازی و ته‌ندروستی و دارایی و وزه گه‌شتونه‌ته رێكه‌وتن حكومه‌تی ئوردن ئاماده‌ی خۆینیشانداوه خولی به‌هێز كردن بۆ پزیشك و كارمه‌ندانی ته‌ندروستی عێراق بكاته‌وه و عێراقیش ره‌زامه‌ندی نیشانداوه ١٠ هه‌زار به‌رنمیل نه‌وت به‌نرخێكی داشكێنراو له نرخی بازاڕ له كه‌ركوكه‌وه هه‌نارده‌ی ئوردن بكات بریاریشه له به‌سه‌ره‌وه بوریه‌كی نه‌وت بۆ مینای عه‌قه‌به دروست بكرێت”.
وه‌سفی خه‌لیل وتیشی ”له‌بواری بازرگانیدا حكومه‌تی ئوردن روسماتی هاورده‌كردن و هه‌نارده‌كردنی بۆ عێراق له‌سه‌دا ٧٠% داشكاندوه، له‌بواری كشتوكاڵیش بریاره خولی به‌هێزكردن بۆ جوتیارانی عێراق بكه‌نه‌وه له بواری دارایشدا بریاره بانكه‌كانی ئوردن بێنه عێراق و رۆڵی خۆیان ببین”.
یەكێتی پیشەسازانی عیراق دژی بەخشینی كاڵاكانی ئوردنە لە باجی گومرگی‌و تەئكید دەكاتەوە، بەخشینی كاڵاكانی ئوردن لە باج، واتە بەخشینی هەموو كاڵاكانی جیهان و زیانی گەورەش بە بەرهەمی ناوخۆیی دەگەیەنێت.
عەلی سوبەیح سەرۆكی یەكێتی پیشەسازانی عیراق لە لێدوانێكی ڕۆژنامەوانیدا ڕایگەیاند: بەخشینی كاڵاكانی ئوردن لە باجی گومرگی كارێكی زۆر خراپە، چونكە بەفرت‌و فێڵی بازرگانی كاڵا‌و بەرهەمی وڵاتانی دیكە دەبرێتە ئوردن‌و لەوێ لەسەری دەنوسرێت كە دروستكراوی ئوردنە، بەمەش بەخشینی كاڵاكانی ئوردن وەكو ئەوەیە كاڵاكانی هەموو جیهان لە باجی گومرگی ببەخشرێن.
ئاماژەی بەوەشكردووە: بڕیاری ژمارە 199 كە حكومەتی عیراق دەریكردووە، دەبێتەهۆی وەستانی بەرهەمی ناوخۆیی‌و زیان بە كەرتی پیشەسازی دەگەیەنێت، ئەوە لەكاتێكدایە كارمەندانی ئەو كەرتە‌و سوودمەندانی بە 4 ملیۆن‌و 500 هەزار كەس مەزەندە دەكرێن.
كۆتایی مانگی ڕابردوو حكومەتی عیراق‌و ئوردن ڕێككەتنێكی ئابووری فراوانیان ئیمزاكرد، بەپێی ئەو ڕێككەوتنە 371 كاڵا‌و بەرهەمی ئوردنی لە باجی گومرگی دەبەخشرێن‌و شارێكی پیشەسازی هاوبەش لەنێوان هەردوو وڵات دروست دەكرێت.
Kurdish