سه‌رۆكى كۆمه‌ڵه‌ى به‌رهه‌مهێنه‌رانى گۆڵى زینه لە تورکیا ئاشكراى ده‌كات، توركیا 50 ملیۆن گوڵى “جه‌ژنى خۆشه‌ویستى” بۆ 20 وڵات هه‌نارده‌كردوه، له سه‌رویانه‌وه هۆڵه‌ندا، ئه‌ڵمانیا و بریتانیا، كه رۆژى 14ى شوبات له‌سه‌رتاسه‌رى جیهان به‌و بۆنه‌یه‌وه ئاهه‌نگ ده‌گێڕن.
ئیسماعیل یه‌ڵماز، سه‌رۆكى كۆمه‌ڵه‌ى به‌رهه‌مهێنه‌رانى گۆڵى زینه لە تورکیا به ئاژانسى هه‌واڵى ئه‌نادۆڵى راگه‌یاندووه: به‌هۆى بارانى به‌خووڕ، له دوو مانگى رابردوودا له شارى ئه‌نتالیا كه به ناوه‌ندى سه‌ره‌كى به‌رهه‌مهێنانى گوڵ داده‌نرێت، هه‌نارده‌ى گوڵ به‌رێژه‌ى 10% كه‌میكردوه.
راشیگه‌یاندوه: 50 ملیۆن چڵه گوڵ كه به‌هاكه‌ى 8 ملیۆن دۆلاره، هه‌نارده‌ى ده‌ره‌وه كردوه، ئه‌وه‌ش ژماره‌یه‌كى زۆر باشه بۆ پیشه‌سازیی گوڵ.
یه‌ڵماز رونیكردووه‌ته‌وه: “بۆ 14ى شوباتى هه‌موو ساڵێك، زۆربه‌ى هه‌نارده‌ى گوڵه‌كانمان بۆ هۆڵه‌ندا و بریتانیا و ئه‌ڵمانیان و رۆمانیا و بڵگاریا ده‌نێرین و له ریزبه‌ندى پێنجه‌مین له‌سه‌ر ئاستى جیهان و گوڵمان بۆ 20 وڵات ناردووه” .
Kurdish