ژووری بازرگانی ئیلام داوای بەھێزکردنی پەیوەندی بازرگانی لەگەڵ سلێمانی دەکات
بۆزیاتر گرنگیدان بەکاری بازرگانی لەگەڵ شاری سلێمانی شاندێکی ژووری بازرگانی پارێزگای ئیلام سەردانی ژووری بازرگانی و پیشەسازی سلێمانیکرد.
سیروان محەمەد،سەرۆکی ژووری بازرگانی و پیشەسازی سلێمانی ڕۆژی ٢٠١٩/١/٢٤ پێشوازیکرد لە ئەمین گام ئەندانی ژووری بازرگانی و پیشەسازی پارێزگای ئیلام.
ئەمین گام،ئەندامی ژووری بازرگانی و پیشەسازی پارێزگای ئیلام ڕایگەیاند: سەردانەکەمان بەمەبەستی بەھێزکردنی دروستکرنی پەیوەندی بازرگانی و پیشەسازیە کەدەمانەوێت شاری سلێمانی گرنگی بە پارێزگای ئیلامبدات تاکاری ھاوبەشی بازرگانی پێکەوە ئەنجام بدەن.
ڕاشی گەیاند: پارێزگای ئیلام لەڕوی پیشەسازی و بازرگانیەوە گرنگی زۆری ھەیە دەتوانین زۆرشت بەرھەم بێنین وە ئێمەش دەمانەوێت شاری سلێمانی بازرگانان و پیشەسازان گرنگی پێبدەن و ئێمەش ھاوکاریان دەبین.
سیروان محەمەد، سەرۆکی ژووری بازرگانی و پیشەسازی سلێمانی خۆشحاڵی خۆی دەربڕی بەسەردانکردنی شاندی بازرگانی پارێزگای ئیلام کە دەیانەوێت پەیوەندی بازرگانی لەگەڵ شاری سلێمانی بەھیزبکەن.
ڕاشیگەیاند: شاری سلێمانی لەسەر ئاستی پیشەسازی یەکێکە لەشارە گەورەکان کە توانای دابینکردنی چیمەنتۆ و شیشی ھەیە بۆ سەرجەم شارەکانی عێراق و ھەناردەشی بکات.
ئەوەشی ڕونکردەوە: لەئێستدا لە ھەرێمی کوردستان گرنگی زۆر بەکەرتی کشتوکاڵی دەدات ئێمەش وەک ژووری بازرگانی و پیشەسازی بەشی کشتوکاڵمان دامەزراندووە تابتوانین بەشێوەیەکی بەرچاو کار بۆ جوتیاران بکەین و ئەوکەرتە پێشبخەین.
Kurdish