خاوەنی پرۆژەكانی دروستكردن خشتی سور لە سلێمانی داوادەكەن پارێزگاری لە بەرهەمەكانیان بكرێت وهاوكاریان بكرێت.
ژمارەیەك لە خاوەن پرۆژەكانی دروستكردنی خشتی سور لە شاری سلێمانی سەردانی ژوری بازرگانی و پیشەسازی سلێمانیان كرد و داوایانكرد بەرهەمەكانیانە بپارێزرێت و كار ئاسانیان بۆبكرێت بۆ زیادكردنی بەرهەمەكانیان.
لە كۆبونەوەكەیاندا خاوە پرۆژەكانی خشتی سور لەگەڵ سەررۆك و ئەندامانی ژوری بازرگانی و پیشەسازی سلێمانی
ئاماژەیان بۆ ئەوەكرد كە لە ئێستادا كارگەكانی دروستكردنی خشتی سور دەتوانن پێداویستی هەرێمی كوردستان پركەنەوە بۆیە ڕێگە نەدرێت بەرهەمی دەرەكی بێتە هەرێم و بڕی سوتەمەنیان بۆ زیادبكرێت و كار ئاسانیان بۆبكرێت لە كەمكردنەوەی نرخی تێچونی كارەكەیان.
لای خۆشیانەوە سەرۆكی ژور و ئەندامانی ژوری بازرگانی و پیشەسازی سلێمانی بەڵێنیاندا داواكاریەكانیان بگەیەنن بە پارێزگاری سلێمانی لە كۆبونەوەی ئەمجارەی لیژنەی ئابوری پارێزگای سلێمانی گفتوگۆی لەبارەوە بكرێت.
پرۆژەكانی خشتی سور لە شاری سلێمانی لە ئێستادا بەرهەمی ناوخۆی هەرێمی كوردسان و بەشێكی عێراقیش بەرهەم دەهێنن و بڕیاروایە لە مانگی 7 ڕێژەی دروستكردنی خشتی سورلە 24 كاتژمێردا بۆ 660 هەزار خشت بەرز بێتەوە.
Kurdish